پیپلز پارٹی کے رہنما خورشید شاہ کی ضمانت منظور

اسلام آباد: ( این پی جی میڈیا) سپریم کورٹ نے ایک کروڑ روپے کے مچلکوں کے عوض خورشید شاہ کی ضمانت منظور کر لی۔
واضح رہے کہ سندھ ہائیکورٹ نے خورشید شاہ کی ضمانت کو مسترد کر دیا تھا جس کو خورشید شاہ نے سپریم کورٹ میں چیلنج کر رکھا تھا۔ سپریم کورٹ نے ایک کروڑ روپے کے مچلکوں کے عوض خورشید شاہ کی ضمانت منظور کی ہے جبکہ نیب کی استدعا پر خورشید شاہ کا نام ای سی ایل میں ڈالنے کا حکم بھی دے دیا گیا۔
جج جسٹس عمر عطا بندیال نے نیب کو کہا کہ آپ تحقیقات جاری رکھیں۔
واضح رہےکہ قومی احتساب بیورو (نیب) نے پی پی رہنما خور شید شاہ کو آمدن سے زائد اثاثوں کے کیس میں 18 ستمبر 2019 کو گرفتار کیا تھا اور ان پر آمدن سے زائد اثاثوں کا الزام ہے۔