نیویارک: ہالی وڈ اداکار نکولس کیج ایک مرتبہ پھر دولہا بن گئے ، پانچویں مرتبہ رشتہ ازدواج میں بندھ گئے ۔
خیال رہے کہ اس سے پہلے آسکر ایوارڈ یافتہ اداکار کی چار شادیاں ناکام ہونے کے بعد ختم ہوچکی ہیں ۔
57 سالہ اداکار کی 26 سالہ جاپانی خاتون ‘ریکو’ سے لاس ویگاس شہر کے ایک ہوٹل میں شادی ہوئی ۔ عالمی وبا کے باعث شادی کی تقریب میں انتہائی محدود تعداد میں لوگوں کو مدعو کیا گیا تھا ۔
واضح رہے کہ دنیا بھر میں وبا سے متاثرین کی تعداد 11 کروڑ ، 66 لاکھ ، 70 ہزار سے بڑھ گئی ہے ، 25 لاکھ ، 92 ہزار سے زائد اموات جبکہ 9 کروڑ ، 22 لاکھ ، 82 ہزار سے زائد صحت یاب ہوچکے ہیں ۔
ادھر سعودی عرب میں ریسٹورنٹس میں ٹیبل سروس بحال ہوگی ہے ، سعودی وزارت داخلہ کے اعلان کے مطابق 7 مارچ سے ایس او پیز کے تحت پابندیوں میں توسیع نہیں ہو گی ۔
دوسری جانب ڈبلیو ایچ او کے سربراہ نے خبر دار کیا ہے کہ ویکسین کے آنے کے بعد ممالک کو پابندیوں میں نرمی کرنے کے لالچ میں نہیں آنا چاہیے ، احتیاط نہ کی تو وبا مزید پھیلے گا ۔