واشنگٹن: صدر جوبائیڈن نے سابق امریکی صدر ڈونلڈ ٹرمپ کی جانب سے لیے گئے ایک اور فیصلے کو منسوخ کردیا ہے۔
غیر ملکی خبررساں ایجنسی کے مطابق صدر جوبائیڈن کے اس فیصلے کو منسوخ کیا ہے جس کے تحت امریکا میں داخل ہونے کے لیے گرین کارڈ کے حصول کی درخواستوں پر پابندی لگائی گئی تھی۔
امریکی میڈیا کا کہنا ہے کہ ڈونلڈ ٹرمپ اس فیصلے سے متعلق کہا تھا کہ کرونا کی وجہ سے امریکا میں بڑھتی بے روزگاری پر قابو پانے کے لیے اور امریکی عوامم کے لیے روزگار کے زیادہ سے زیادہ مواقع پیدا کرنے کے لیے یہ فیصلہ لیا گیا۔
A Proclamation on Revoking Proclamation 10014 https://t.co/M3WCMXa9oz
— Executive Orders (@Biden_ExecOrder) February 24, 2021
تاہم اب وائٹ ہاوس کی جانب سے ایک بیان میں کہا گیا ہے کہ صدر جوبائیڈن نے ایک ایگزیگٹیو آرڈر کے ذریعے اس فیصلے کی منسوخی کا حکم جاری کردیا ہے۔
جوبائیڈن کی جانب سے جاری کیے گئے حکم نامے میں کہا گیا ہے کہ ٹرمپ کے اس فیصلے کےباعث امریکی مفادات کو آگے بڑھانا ناممکن تھا۔