کابل(این پی جی میڈیا) افغان وزیر خارجہ محمد حنیف اتمر نے طالبان پر الزام عائد کرتے ہوئے کہا ہے کہ معاہدےکے تحت حکومت کی جانب سے آزاد کردہ 90 فیصد طالبان قیدیوں کو دوبارہ میدان جنگ میں اتار دیا گیا ہے۔
تفصیلات کے مطابق افغان وزیر خارجہ محمد حنیف اتمر نے طالبان پر الزام عائد کرتے ہوئے کہا ہے کہ طالبان کیجانب سے معاہدے کی خلاف ورزی کی جا رہی ہے۔
انھوں نے مزید کہا کہ طالبان القاعدہ اور دوسرے عالمی دہشت گرد گروہوں سے تعلقات بھی قائم کررہے ہیں۔
خیال رہے کہ گذشتہ سال فروری میں ہونے والے امن معاہدے کے تحت افغان حکومت نے پانچ ہزار طالبان قیدیوں کو رہا کیا تھا لیکن انہیں دوبارہ میدان جنگ میں جانے سے روکنا بنیادی شرائط میں شامل تھا۔