اسرائیلی خفیہ ایجنسی موساد کے 15 جاسوس گرفتار

استنبول: (این پی جی میڈیا) ترکی نے تخریب کاری کی کوشش ناکام بناتے ہوئے اسرائیلی خفیہ ایجنسی کے 15 جاسوس گرفتار کر لیے۔
روزنامہ ترک اخبار صباح کے مطابق ترک فورسز نے ایک مہینہ قبل ان موساد کے مشتبہ 15 جاسوس گرفتار کیا تھا انہوں نے غیر ملکی طلبہ اور ملکی شہریوں کے بارے میں موساد کو معلومات دی تھی۔
رپورٹ کے مطابق ملزمان نے اُن طلبہ کے بارے میں معلومات فراہم کیں جو ممکنہ طور پر مستقبل میں دفاعی صنعت میں کام کریں گے۔
حکومت کے حامی روزنامے نے یہ بھی لکھا ہے کہ مشتبہ افراد کو گرفتار کرنے کا آپریشن ترکی کی نیشنل انٹیلی جنس آرگنائزیشن (ایم آئی ٹی) نے ایک سال سے جاری انسداد انٹیلی جنس آپریشن کے بعد کیا تھا۔
اخبار نے مزید بتایا ہے کہ مشتبہ افراد کی تقریباً ایک سال تک ، تکنیکی اور انسانی انٹیلی جنس کے طریقوں کے ذریعے نگرانی کی گئی۔