نیویارک: نامور سوشل میڈیا ایپ واٹس ایپ نے 2021 کے اوائل میں تین نمایاں بڑی تبدیلیاں متعارف کروانے کا فیصلہ کرلیا ہے۔
عالمی خبررساں ادارے کے مطابق ترجمان واٹس ایپ کا کہنا ہے کہ آئندہ سال میں واٹس ایپ ویب پر کال اور ویڈیو کال کی سہولت فراہم کردی جائے گی اور اس سروس کو متعارف کروانے کے بعد واٹس ایپ ویڈیو کالنگ ایپلی کیشن زوم اور گوگل میٹ کی ٹکر پر آسکتا ہے۔
واٹس ایپ کی شرائط میں تبدیلی آئندہ سال فروری تک متوقع ہے اس حوالے سے کوئی واضح تبدیلیوں کا اعلان نہیں کیا گیا ہے، تاہم تمام صارفین پر ان شرائط کو تسلیم کرنا لازم ہوگا۔
آئندہ سال بیٹا آئی او ایس کی اپڈیٹ کے بعد واٹس ایپ میں ایک سے زیادہ ویڈیوز اور تصاویر پیسٹ کی جاسکیں گی۔