آپ نے انسانوں کو تو کرکٹ ،ہاکی،سکواش،بیڈمنٹن اور فٹبال سمیت بہت سے دیگر کھیل کھیلتے یقینا دیکھا ہو گا لیکن کیا آپ نے کبھی کسی بکرے کو فٹبال کھیلتے دیکھا ہے وہ بھی اتنی مہارت سے کہ دیکھنے والے کی عقل دنگ رہ جائے ۔سوشل میڈیا پر ایسی بہت سی ویڈیوز وائرل ہوتی رہتی ہیں لیکن یہ انوکھی نوعیت کی ویڈیو یقینا داد دینے پر مجبور کرتی ہے۔
جی ہاں، خیبرپختونخوا کے علاقے میں بچے کی بکرے کیساتھ کھیلنے کی ویڈیو سوشل میڈیا پر وائرل ہو گئی بکرا جس مہارت سے بچے کو بال پاس کرتا ہے دیکھ کر داد دینے کو دل کرتا ہے۔تفصیلات کے مطابق سوشل میڈیا پر وائرل ہونے والی ویڈیو میں دیکھا جا سکتا ہے کہ ایک بچہ بال کو بکرے کی جانب اچھالتا ہے اور بکرا دو ٹانگوں پر کھڑا ہو کر اپنے سر سے بال کو ہٹ کرتا ہے جو بچہ پکڑنے کی کوشش کرتا ہے اور ایک یا دو بار نہیں بلکہ ہر مرتبہ بچے کی جانب سے پھینکی بال کو بکرا بڑی سرعت اور پورے اعتماد کے ساتھ اس عمل کو دہراتا ہے۔
Happiness lies everywhere !
Video of the day ? ! pic.twitter.com/ljdsaLHABi— Asif Yousafzai?? (@AYzaiTweets) June 27, 2021
اس ویڈیو کو سینکڑوں لوگ لائکس اور ری ٹوئٹ کر چکے ہیں اور اپنی پسندیدگی کااظہار کر رہے ہیں ،ایک صارف فریدہ بخاری کاکہناہے کہ میں فیصلہ نہیں کر سکی کہ کون زیادہ خوبصورت ہے۔