اسلام آباد(این پی جی میڈیا) پیغام رسانی کی معروف ایپلی کیشن واٹس ایپ نے اہم فیچر میں تبدیلی کردی ہے۔
تفصیلات کے مطابق صارفین اب بزنس اکاؤنٹس پر آن لائن یا لاسٹ سین کا سٹیٹس نہیں دیکھ سکیں گے۔ اگر آپ کسی بزنس اکاؤنٹ سے چیٹنگ کررہے ہیں تو اس وقت آپ کو آن لائن کے بجائے بزنس اکاؤنٹ لکھا نظر آئے گا۔ ایپلی کیشن میں یہ تبدیلی دو روز قبل کی گئی۔ اس سے قبل بزنس اکاونٹس پر لاسٹ سین کی آپشن موجود تھی۔