اسلام آباد:مقبول اداکارہ کومل عزیز خان کا کہنا ہے کہ وہ پاکستان شوبز انڈسٹری کے کسی اداکار سے متاثر نہیں ہیں۔
کومل عزیز نے انسٹاگرام پر سوال و جواب کا ایک سیشن رکھا جس میں ان کے چاہنے والوں نے ذاتی زندگی سے متعلق کچھ سوالات پوچھے۔
View this post on Instagram
ایک صارف نے سوال کیا کہ شوبز انڈسٹری کے کس اداکار نے آپ کو متاثر کیا ہے؟
اداکارہ نے سوال کا جواب دیا کسی نے نہیں۔ کومل عزیز نے کہا کہ مجھے سمجھ نہیں آتا پاکستانی اداکاروں میں کیا چیز متاثر کن ہے، ان کی شکل؟ یا ان کا پیسہ؟
View this post on Instagram
کومل عزیز نے ان اداکاروں میں خود کو شامل کرتے ہوئے کہا کہ یہ تنقید میرے اپنے لیے بھی ہے۔
انہوں نے کہا کہ جن لوگوں کو دیکھ کر میں سب سے زیادہ سیکھتی ہوں یا جن سے مجھے حوصلہ افزائی ملتی ہے وہ ایدھی صاحب اور ڈاکٹر ادیب رضوی سمیت ان جیسے دیگر افراد ہیں جو فلاحی کاموں میں اپنا آپ پیش کردیتے ہیں۔
اداکارہ کا کہنا تھا کہ ان تمام لوگوں سے میں متاثر ہوتی ہوں جو بغیر انسٹاگرام پر شیئر کیے انسانیت کی خدمت کرتے ہیں۔