کیلفورنیا: دنیا کی مقبول ترین سماجی رابطے کی ویب سائٹ فیس بک نے 3 ماہ کے دوران ایک ارب 3 کروڑ جعلی اکاؤنٹس ڈیلیٹ کردیے ہیں۔
عالمی میڈیا رپورٹس کے مطابق فیس بک انتظامیہ کی جانب سے اکتوبر سے دسمبر 2020 کے دوران ایک ارب 3 کروڑ جعلی اکاؤنٹس ڈیلیٹ کیے گئے ہیں۔
رپورٹ کے مطابق کمپنی نے کورونا اور ویکسین سے متعلق ایک کروڑ 20 لاکھ مواد بھی اپنی ایپلیکشن سے ہٹا دیا ہے۔
واضح رہے کہ فیس بک اور ٹوئٹر جیسے سوشل میڈیا نیٹ ورکس پر اکثر تنقید کی جاتی ہے کہ وہ سازشی خیالات اور جعلی دعوؤں کی روک تھام کے لیے کوئی اقدام نہیں اٹھاتے تاہم اب اس پر مؤثر انداز میں کام کیا جارہا ہے۔
یاد رہے کہ کورونا وائرس اور ویکسین سے متعلق جھوٹے دعوے سوشل میڈیا پلیٹ فارمز کی زینت بنے ہوئے ہیں لیکن اس سے پہلے یوٹیوب کی جانب سے بھی گزشتہ 5 ماہ کے دوران کورونا ویکسین سے متعلق 3000 گمراہ کن معلومات پھیلانے والی ویڈیوز کو سوشل میڈیا سے ہٹا دیا گیا ہے۔