لندن: نئی دفاعی اور جنگی حکمت عملی کے تحت برطانیہ نے اپنی بری فوج کم کرنے کا فیصلہ کرلیا ہے۔
غیر ملکی خبررساں ایجنسی کے مطابق برطانیہ نے اپنی دفاعی پالیسی میں تبدیلی لاتے ہوئے بری فوج کم کرنے اور روبوٹ، ڈرونز اور سائبر جنگ کی طرف قدم بڑؑھانے کا فیصلہ کیا ہے
میڈیا رپورٹس کے مطابق نئی خارجہ اور دفاعی پالیسی کے تحت برطانیہ اپنی بری فوج میں دس ہزار تک کمی کرے گا۔ رپورٹ کے مطابق برطانیہ نہ صرف بری فوج میں کمی کرے گا بلکہ کئی ٹینک اور ہوائی جہاز بھی ترک کرے گا اور ان کی جگہ جدید بحری بیڑے اور بحری جہاز شامل کیے جائیں گے۔
برطانوی میڈٰیا کے مطابق برطانوی بری فوج کی تعداد 70 ہزار تک رکھی جائے گی۔ اس وقت برطانوی فوج کی تعداد 80 ہزار ہے۔ میڈٰیا کی جانب سے کیے جانے والے انکشاف کے مطابق برطانوی سیکرٹری دفاع بین والیس ہاؤس آف کامنز میں اس بات کا اعلان کریں گے۔