بیجنگ: چینی کمیونسٹ پارٹی کی خارجہ امور کے سربراہ یانگ جیچی نے کہا ہے کہ امریکا دنیا میں جمہوریت کا چورن بیچنا بند کرے۔
غیر ملکی خبر رساں ایجنسی کے مطابق امریکی ریاست الاسکا میں امریکی اور چینی وزارئے خارجہ کے مابین دو روزہ بات چیت کی شروعات میں چینی کمیونسٹ پارٹی کی خارجہ امور کے سربراہ یانگ جیچی اور امریکی وزیر خارجہ اینٹنی بلنکن اور ایک دوسرے کی پالیسیوں پر کھل کر تنقید کی۔
میڈٰیا رپورٹس کے مطابق دونوں رہنماؤں کے درمیان گفتگو میں استعمال کیے گئے لہجے اور الفاظ سے اندازہ ہوتا ہے کہ ان کے درمیان کس طرز کے نجی مباحثے ہوئے ہوں گے۔
دونوں رہنماوں کے درمیان یہ ملاقات دونوں ممالک کے درمیان بڑھتی کشیدگی کا منہ بولتا ثبوت ہیں۔ اس بات چیت میں تجارتی جنگ کے علاوہ مسئلہ تبت، چینن پر لگائے جانے والے انسانی حقوق کی خلاف ورزیوں کے الزامات علاوہ تائیوان، بحیرہ جنوبی چین اور کورونا جیسے معملات پر بات ہوئی۔
خیال رہے کہ صدر بائیڈن کے اقتدار سنبھالنے کے بعد سے ہی امریکی اور چینی عہدے داروں کے مابین لفظی جنگ کا سلسلہ جاری ہے۔