پیانگ یانگ: شمالی کوریا نے اہم ترین اسلامی ملک سے اپنے سفارتی تعلقات ختم کردیئے ہیں۔
غیر ملکی خبر رساں ایجنسی کے مطابق شمالی کوریا نے کہا ہے کہ وہ ملائیشیا کے ساتھ عدالتی فیصلے کے خلاف احتجاج کرنے کے لئے سفارتی تعلقات منقطع کررہا ہے جس کے تحت شمالی کوریا کو منی لانڈرنگ کے الزامات کا سامنا کرنے کے لئے امریکہ کے حوالے کرنے کی اجازت دی گئی ہے۔
تفصیلات کے مطابق شمالی کوریا کی وزارت خارجہ نے کہا ہے کہ وہ ملائیشیا کے ساتھ سفارتی تعلقات کو مکمل طور پر ختم کرنے کا اعلان کر رہا ہے ، جس نے امریکی دباؤ کے پیش نظر شمالی کوریا کے خلاف انتہائی بڑے دشمنانہ اقدام کا ارتکاب کیا ہے۔
شمالی کوریا کا مزید کہنا تھا کہ امریکہ اپنی اس حرکت کی قیمت بہت جلد ادا کرے گا۔
خیال رہے کہ 9 مارچ کو ملیشیا کی اعلی عدالت نے فیصلہ سنایا تھا کہ منی لانڈرنگ کے الزامات کا سامنا کرنے کے لئے شمالی کوریا کے ایک شخص من چول میونگ کو امریکہ کے حوالے کیا جاسکتا ہے
اس شخص کو سن 2019 میں اس وقت گرفتار کیا گیا تھا جب امریکہ نے کمپنیوں کے ذریعے منی لانڈرنگ کرنے اور شمالی کوریا کو غیر قانونی ترسیل کی حمایت کے لئے جعلی دستاویزات جاری کرنے کا الزام عائد کیا تھا ۔
یہ واضح نہیں ہے کہ اس شخص پر کس چیز کی فراہمی کا الزام عائد کیا گیا ہے ، لیکن سنگاپور میں ایسے کاروبار دیکھنے میں آئے ہیں جن میں شراب اور گھڑیاں جیسی قیمتی اشیا شمالی کوریا بھجوائی گئی ہیں۔
بعد ازاں، شمالی کوریا کی جانب سے ایسی برآمدات کے بعد اقوام متحدہ اور امریکہ سمیت دیگر ممالک نے اپنے ہتھیاروں کے پروگراموں پر پیانگ یانگ پر بڑے پیمانے پر پابندیاں عائد کردی ہیں۔