نئی دہلی: بھارت میں ایک ایسا واقعہ پیش آیا ہے جس کی ویڈیو نے سب کے دل دہلادیے، ریلوے ٹرین پیچھے کی جانب چل پڑی۔
بھارتی میڈیا رپورٹس کے مطابق بھارت میں ایک مسافر ٹرین پیچھے کی جانب مسلسل 35 کلو میٹر تک چلتی رہی لیکن خوش قسمتی سے کوئی جانی نقصان نہیں ہوا، واقعے کی ویڈیو سوشل میڈیا پر وائرل ہوگئی ہے۔
رپورٹ کے مطابق نئی دہلی سے اترکھنڈ جانے والی ٹرین کے سامنے گائے آنے پر ڈرائیور کی جانب سے اسے بچانے کی کوشش کی گئی جس دوران ٹرین میں تکنیکی خرابی آگئی۔
سماجی رابطے کی ویب سائٹ ٹویٹر پر شئیر کردہ ویڈیو میں واقعے کا سارا منظر دیکھا جاسکتا ہے۔ ریلوے حکام کے مطابق گزشتہ روز پیش آنے والا واقعہ اچانک مویشی کے پٹڑی پر بھاگنے کی وجہ سے پیش آیا تھا۔
#WATCH | Purnagiri Jansatabdi train runs backwards due to cattle run over b/w Khatima-Tanakpur section in Uttarakhand. Incident happened earlier today.
There was no derailment & passengers were transported to Tanakpur safely. Loco Pilot & Guard suspended: North Eastern Railway pic.twitter.com/808nBxgxsa
— ANI (@ANI) March 17, 2021
خیال رہے کہ بھارت میں خستہ حال ریلوے ٹریک پر خطرناک حادثات اکثر اوقات پیش آتے رہتے ہیں۔ تاہم یہ واقعہ انتظامیہ کی کارکردگی پر ایک بار پھر سوال اٹھا رہا ہے۔
ریلوے حکام کی جانب سے یہ وضاحت کی گئی ہے کہ خرابی کے باعث ٹرین ایک یارڈ کے پاس رک گئی جس کے بعد تمام مسافروں کو باحفاظت دوسری ٹرین کی مدد سے ٹنکپور روانہ کردیا گیا۔
واضح رہے کہ حکام نے یہ واضح نہیں کیا کہ ٹرین کو کنٹرول کیسے کیا گیا جبکہ ڈرائیور اور گارڈ کو اس واقعے کے بعد سے معطل کردیا گیا ہے۔