لاہور:(این پی جی میڈیا) دورہ افریقہ کے اسکواڈ میں شامل کرکٹر حسن علی کو دوبارہ کرونا ہو گیا۔
دورہ جنوبی افریقہ کے لیے اعلان کردہ قومی وائیٹ بال اسکواڈ میں شامل مجموعی طور پر 35 افراد کے کوویڈ 19 ٹیسٹ لیے گئے۔ 16 مارچ کو کروائی گئی اس ٹیسٹنگ میں صرف ایک کھلاڑی حسن علی کا کورونا ٹیسٹ مثبت آیا ہے۔
جن کھلاڑیوں کی کوویڈ 19 ٹیسٹ کی رپورٹ منفی آئی ہے وہ کل لاہور پہنچ جائیں گے جبکہ قومی اسکواڈ کا تربیتی کیمپ 19 مارچ بروز جمعہ سے قذافی اسٹیڈیم لاہور میں شروع ہوگا۔
حس علی کا دوسرا کورونا ٹیسٹ مثبت آنے پر ان کا دوبارہ ٹیسٹ کل ان کی رہائشگاہ پر لیا جائیگا۔ اگر اس ٹیسٹ کی رپورٹ منفی آتی ہے تو اس کھلاڑی کو لاہور آنے کی اجازت دی جائے گی، جہاں 2 روزہ آئسولیشن کے بعد اس کا تیسرا ٹیسٹ لیا جائے گا۔
خیال رہے کہ کورونا کا شکار ہونے حسن علی ایک بار پہلے بھی اس وبا کا شکار ہو چکے ہیں۔ پی ایس ایل کے دوران کا ٹیسٹ مثبت آیا تھا۔ : قرنطینہ میں دو ٹیسٹ منفی آئے، قرنطینہ سے نکلنے کے بعد انہیں پھر سے کورونا ہوگیا۔ حسن علی دورہ جنوبی افریقہ کے اسکواڈ میں شامل ہیں۔