نیپیداو: میانمار میں سکیورٹی فورسز کی مظاہرین پر فائرنگ سے مزید 18 مظاہرین ہلاک ہوگئے ہیں
غیر ملکی خبر رساں ایجنسی کے مطابق سکیورٹی فورسز کی جانب سے فائرنگ کے واقعے میں مرنے والوں میں ایک پولیس اہلکار بھی شامل ہے۔ دوسری جانب اس واقعے میں 3 پولیس اہلکار زخمی بھی ہوئے۔
ادھر میانمار کے علاقے ینگون میں مارشل لاء کا نفاذ کیا گیا ہے تاہم ملک کے مختلف شہروں میں تاحال فوجی بغاوت کے خلاف احتجاج کا سلسلہ جاری ہے۔
واضح رہے کہ میانمار میں جمہوریت پر شب خون مارنے والوں کے خلاف احتجاج میں اب تک 100افراد کی ہلاکت ہوچکی ہے۔
میانمار میں یکم فروری کو فوج کی جانب سے جمہوری حکومت کو قبضہ کر اسے گھر بھیج دیا گیا تھا جبکہ کئی رہنماؤں کو گرفتار بھی کیا گیا تھا جس کے بعد ملک بھر میں شدید احتجاج اور سول نافرمانی کی تحریک چلائی جا رہی ہیں۔