واشنگٹن: امریکی اخبار وال سٹریٹ جرنل کے مطابق اسرائیل نے شام جانے ایرانی تیل بردار بحری جہازوں کو بارودی سرنگیں استعمال کرتے ہوئے نشانہ بنایا ہے۔
امریکی اخبار وال سٹریٹ جرنل کی جانب سے جاری کردہ رپورٹ کے مطابق اسرائیل نے شام جانے والے ایرانی آئل ٹینکرز کو بارودی سرنگوں کا استعمال کرتے ہوئے نشانہ بنایا۔
رپورٹ میں بتایا گیا ہے کہ اسرائیل نے ایران کے شام جانے والے کم از کم 12 بحری جہازوں پر بارودی سرنگوں کا نشانہ بنایا ہے جو شام میں تیل یا پھر جنگی ہتھیار منتقل کر رہے تھے۔
رپورٹ میں مزید بتایا گیا کہ اسرائیل کو اندیشہ تھا کہ اس تیل سے حاصل ہونے والی آمدنی خطے میں انتہا پسندی پر خرچ کی جا سکتی تھی۔
دوسری جانب جوبائیڈن انتظامیہ کا کہنا ہے کہ ایران کی ان کارروائیوں کا مقصد ایران اور شام پر عائد پابندیوں سے بچ کر ایرانی پاسداران انقلاب کی فنڈنگ کرنا ہے۔