(این پی جی میڈیا) فیس بک نے اپنے صارفین کے لیے پیسے کمانے کے طریقہ کار کو مزید وسیع کردیا ہے، جس کے تحت اب صارفین ایک منٹ کی ویڈیو سے بھی پیسا کما سکیں گے۔
غیرملکی خبر رساں ایجنسی کے مطابق فیس بک نے اپنے صارفین کے لئے نئے منیٹائزیشن کے اور بہت سے اختیارات کا اعلان کردیا ہے۔ اور یہ اعلان ٹک ٹاک کی بڑھتی مانگ کے حوالے سے کیا گیا ہے۔
فیس بک کے مطابق صارفین اب ایک منٹ کے دورانیے والی ویڈیوز سے بھی رقم کما سکیں گے جس میں کم سے کم ایک اشتہار 30 سیکنڈ چلے گا۔
فیس بک کی نئی مانیٹائزیشن پالیسی کے مطابق تین منٹ یا اس سے زیادہ کے دورانیے کی ویڈیوز میں ایک اشتہار کو 45 سیکنڈ میں دکھایا جاسکتا ہے۔ پہلے صرف تین منٹ یا اس سے زیادہ ویڈیوز ان اسٹریم اشتہارات سے منیٹائز کرسکتے تھے ، جس میں ایک اشتہار 1 منٹ سے بھی پہلے نہیں دکھایا گیا تھا۔
فیس بک سے وابستہ مونیٹائزیشن ڈائریکٹر یوو آرنسٹائن کا کہنا ہے کہ ہم خاص طور پر شارٹ فارم ویڈیو منیٹائزیشن پر توجہ مرکوز کر رہے ہیں۔ آنے والے ہفتوں میں ہم مواد تخلیق کاروں کے لئے ان اشتہارات کے ذریعہ فیس بک اسٹوریس سے رقم کمانے کی اہلیت کی جانچ کرنا شروع کردیں گے۔
انکا مزید کہنا تھا کہ فیس بک نے ایسے ویڈیوز بنانے والوں کی مدد کرنا چاہتا ہے جو مختصر ویڈیو بناتے ہیں اور لائیو ویڈیوز پیش کررہے ہیں۔ اسلیے اس کے بدلے ان کی ویڈیوز پر اشتہار چلیں گے جس سے انہیں کچھ آمدنی ہوسکے گی۔