قاہرہ: مصری دارالحکومت قاہرہ میں واقع ایک فیکٹری میں خوفناک آتشزدگی کے نتیجے میں20 افراد ہلاک جبکہ 24 زخمی ہوگئے ہیں۔
غیر ملکی خبررساں ادارے کے مطابق مصر کے دارالحکومت قاہرہ میں کپڑے کی ایک فیکٹری میں خوفناک آگ بھڑک اٹھی جس کے باعث 20 افراد ہلاک اور 24 زخمی ہوگئے ہیں۔
کپڑے کی فیکٹری میں لگنے والی آگ کے بعد دور دور تک کالے دھویں کے بادل چھا گئے۔ فیکڑی4 منزلوں پر مشتمل تھی۔ فیکڑی میں آگ لگنے کی وجہ ابھی تک سامنے نہیں لائی جاسکی۔ آگ کی وجہ جاننے کے لیے تحقیقات کا آغاز کردیا گیا ہے۔
میڈیا رپورٹس کے مطابق فیکڑٰ میں آگ لگنے کے بعد فائر بریگیڈ نے فوری موقع پر پہنچتے ہوئے پر آگ بجھانے کے لیے امدادی کارروائیوں کا آغاز کردیا جبکہ آگ میں جھلس جانے والے افراد کو ریسکیو آپریشن کے ذریعے کو اسپتال منتقل کیا جا رہا ہے۔