نئی دہلی: (این پی جی میڈیا) بھارت اور بنگلہ دیش کے درمیان فاصلے کتم ہونے لگے ہیں اور بھارت نے خود کو مظبوط بنانے کے لیے بنگلہ دیش کا سہارا لینے کی ٹھان لی ہے۔
غیرملکی خبر رساں ایجنسی کے مطابق بھارتی وزیراعظم نریندر مودی نے بھارت اور بنگلادیش کا ملانے والے ایک پل کا افتتاح کردیا ہے۔
تفصیلات کے مطابق بھارتی میڈیا کا کہنا ہے کہ وزیراعظم مودی نے بھارت اور بنگلادیش کو ملانے والے ایک پل کا افتتاح کردیا ہے جو کہ دونوں ممالک کے درمیان تجارت کو فروغ دے گا۔
رپورٹس میں کہا گیا ہے کہ مودی نے جس پل کا افتتاح کیا ہے یہ پل 1.9 کلومیٹر طویل ہے جو بھارتی قصبے سبروم کو بنگلادیش کے قصبے رام گڑھ سے ملاتا ہے۔
علاوہ ازیں مودی کا کہنا ہے کہ یہ پل بھارت اور بنگلادیش کے درمیان اچھے تعلقات کو قائم کرنے کے لیے بنایا گیا ہے۔اور یہ پل آمدورفت کے علاوہ تجارتی مقاصد کے لیے بھی استعمال ہوگا۔
مودی نے ویڈیو کانفرنس کے ذریعے بھارتی ریاست تریپورا اور بنگلادیش کے درمیان بہنے والے دریائے فینی پر تعمیر کیے گئے میتری سیتو کا نام دیا ہے جسس کا مطلب ہے دوستی کے پُل۔
پل کے افتتاحی موقع پر نریندر مودی نے کہا ہے کہ پُل سے تریپورا کے ساتھ ساتھ جنوبی آسام، میزورام اور منی پور کی بھی بنگلہ دیش اور جنوب مشرقی ایشیا تک رسائی حاصل ہوجائے گی جب کہ ٹرین اور پانی کے نئے منصوبے بھی بنیں گے۔