واشنگٹن: امریکا نے ترکی کو پاکستان کو گن شپ ہیلی کاپٹر فراہم کرنے سے روک دیا ہے۔ یہ ہیلی کاپٹر ترکی میں مقامی طور پر تیار کیے گئے ہیں۔
غیر ملکی خبررساں ایجنسی کے مطابق امریکہ نے ترکی کو خبردار کیا ہے کہ وہ پاکستان کو مقامی طور پر تیار کیے جانے والے 30 گن شپ ہیلی کاپٹرز کی فراہم نہ کرے۔
یہ تمام موسموں میں کام کرنے والا ہیلی کاپٹر ہے جو امریکی انجنوں سے لیس ہے۔
میڈیا رپورٹس کے مطابق ترک صدارتی ترجمان ابراہیم کلن کا کہنا تھا کہ امریکا نے ترکی کو خبردار کیا ہے کہ وہ پاکستان کو گن شپ ہیلی کاپٹر فروخت نہ کرے۔ جس کے بعد اب پاکستان یہ ہیلی کاپٹر چین سے خریدے گا۔
انھوں نے مزید بتایا کہ اس رکاوٹ سے امریکی مفادات کو زیادہ نقصان پہنچنے کے امکانات زیادہ ہیں۔
خیال رہے کہ ترکی اور پاکستان نے جولائی 2018 میں ترک ساختہ ہیلی کاپٹر گن شپ کے لیے 1.5 ارب ڈالر کے معاہدے پر دستخط کیے تھے۔