ریاض: (این پی جی میڈیا) سعودی عرب کی جانب سے اب تک کا سب سے بڑا فیصلہ آ گیا ہے جس کے بعد سعودی تاجر پریشانی کا شکار ہوگئے ہیں۔
غیرملکی خبر رساں ایجنسی کے مطابق سعودی حکام کا کہنا ہے کہ ملک بھر کے شیشہ کیفوں پر تاحکم ثانی پابندی برقرا رہے گی اور خلاف ورزی کرنے والے کو کڑی سزا دی جائے گی۔
تفصیلات کے مطابق سعودی عرب کی وزارت بلدیات کا کہنا ہے کہ ہوٹلوں اور گیمز سینٹرز کو ان کی خدمات پر استثنیٰ دیا گیا ہے۔
جبکہ ریسٹورنٹس کے پلے ایریا اور شیشہ کیفوں پر پابندی تاحکم ثانی باقی رہے گی۔
زرائع کا کہنا ہے کہ پابندی سے استثنی ان ہوٹلوں اور بچوں کے تفریحی پارکوں کو دیا گیا ہے جن کا بنیادی شعبہ یہی ہے۔
مزیدبرآں ہوٹل یا تفریحی پارک کے رقبے کو دیکھ کر یہ فیصلہ کیا گیا ہے کہ وہاں آنے والوں کے درمیان سماجی فاصلہ برقرار رکھنا ممکن ہوگا۔
خیال رہے کہ اس سے قبل متعدد ممالک میں کرونا وائرس کی نئی قسم دریافت کے بعد گذشتہ دسمبر میں بین الاقوامی پروازوں پر لگائی جانے والی عارضی پابندی اٹھا لی گئی تھی۔
رپورٹس کے مطابق سعودی عرب میں کرونا ویکسین لگانے کا آغاز پہلے ہی کر دیا گیا ہے۔
ابتدائی مرحلے میں ان لوگوں کو ویکسین لگائی جا رہی ہے جن کے لیے وائرس کا شکار ہونے کا خطرہ سب سے زیادہ ہے جبکہ اب تک سعودی عرب میں ویکسین لگوانے والی بڑی شخصیات میں شہزادہ محمد بن سلمان بھی شامل ہیں۔