(این پی جی میڈیا) میانمار کے 18 مزدور تنظیموں نے- عوام سے مطالبہ کیا ہے کہ جب تک جمہوریت کی بحالی نہ ہو تب تک کام بند کریں۔
غیر ملکی خبر رساں ایجنسی کے مطابق میانمار کی سب سے بڑی ٹریڈ یونینوں نے گزشتہ ماہ بغاوت میں اقتدار پر قبضہ کرنے کے بعد ملک کے جرنیلوں کو اقتدار سے دستبردار ہونے کے لئے دباؤ ڈالنے کے لیے وسیع پیمانے پر ہڑتال شروع کردی ہے۔
کم از کم 18 مزدور تنظیموں جنہوں نے تعمیرات ، زراعت اور مینوفیکچرنگ سمیت صنعتوں کی نمائندگی کرتے ہیں، نے مزدوروں سے مطالبہ کیا ہے کہ یکم فروری کو ہونے والی بغاوت کو مسترد کرنے اور آنگ سان سوچی کی منتخب حکومت کو اقتدار میں بحال کرنے کے لئے کام بند کریں۔
یونینز نے ایک بیان میں کہا ہے کہ اب ہماری جمہوریت کے دفاع میں اقدامات کرنے کا وقت آگیا ہے۔کوئی بھی میانمار کے شہری کو کام کرنے پر مجبور نہیں کرسکتا۔ ہم اب فوجیوں کے غلام نہیں ہیں اور نہ ہم کبھی بن سکتے ہیں۔
انہوں نے مزید کہا کہ ملک بھر میں تعطل اس وقت تک جاری رہے گا جب تک کہ ہمیں اپنی جمہوریت واپس نہیں مل جاتی۔
عینی شاہدین کا کہنا ہے کہ گذشتہ رات کے وقت میانمار کے سب سے بڑے شہر ینگون کے مختلف حصوں میں فائرنگ اور گولیوں کی آوازیں سنی گئی ہیں۔
حالیہ ہفتوں میں سب سے بڑے مظاہرے اتوار کے روز ہوئے جہاں پولیس نے شمالی شہر قصہ لسائیو میں ینگون میں مظاہرین کو منتشر کرنے کے لیے اسٹن گرینیڈ اور آنسو گیس کا استعمال کیا ۔
اقوام متحدہ کے مطابق مظاہرے شروع ہونے کے بعد سے اب تک کم از کم 50 افراد ہلاک ہوچکے ہیں۔