تہران: اقوام متحدہ میں ایرانی سفیرماجد تخت روانچی کا کہنا ہے کہ اسرائیل کو ایران کے خلاف کسی بھی حملے کا سخت سے سخت جواب دیا جائے گا۔
غیر ملکی خبررساں ایجنسی کے مطابق گزشتہ ہفتے اسرائیلی وزیر اعظم نیتن یاہوکی جانب سے اسرائیلی کارگو بحری پرحملے کا ذمہ دار ایران کو ٹھہرایا گیا تھا جبکہ ایران نے اس الزام کو مسترد کردیا تھا۔
میڈیا رپورٹس کے مطابق اسرائیلی وزیر نیتن یاہو کوئی ثبوت پیش کیے بغیر ایران پر الزام عائد کیا کہ بحیرہ اومان میں اسرائیلی کارگو بحری جہاز پر حملے میں ایران کا ہاتھ ہے۔ جس کے بعد خطے میں حالات مزید کشیدہ ہو چکے ہیں۔
اقوام متحدہ میں ایرانی سفیرماجد تخت روانچی نے اپنی ٹویٹ میں کہا کہ اسرائیلی کارگو شپ پر ہونے والا یہ حملہ ایک جعلی فلیگ شپ آپریشن تھا جس کا سہارا لے کر اسرائیل اپنے ناپاک ارادوں کو عملی جامہ پہنانا چاہتا ہے۔
In a letter to the secretary-general of the United Nations & the chairman of the UN Security Council, #Iran‘s Ambassador to the UN Majid Takht-Ravanchi rejected #Israeli officials’ claims about Iran being responsible for the recent attack on an Israeli ship in the Gulf of Oman. pic.twitter.com/r28HXZviFQ
— Iran International English (@IranIntl_En) March 5, 2021
انھوں نے اس بات پر زور دیتے ہوئے کہا کہ ایران اس طرح کا کھیل رچا کر خطے میں بدنیتی پر مبنی اپنے طرز عمل سے عالمی توجہ ہٹانے کو کوشش کررہا ہے۔