کلیفورنیا: اسکائی ڈائیونگ کے دوران ایک شخص نے اپنی گرل فرینڈ کو پروپوز کرکے حیرت میں ڈال دیا جس کی ویڈیو سوشل میڈیا پر وائرل ہوگئی ہے۔
عالمی میڈیا رپورٹس کے مطابق سوشل میڈیا ایپ انسٹاگرام پر ایک شارٹ کلپ ونگ میں سکائی ڈائیو کی اپنی پروفائل سے پوسٹ کیا گیا جس میں اسکائی ڈائیونگ کے چکر لگاتے ہوئے ایک شخص کو اپنی گرل فرینڈ کو پروپوز کرنے کا دل دہلا دینے والا واقعہ دیکھا جاسکتا ہے۔
View this post on Instagram
ویڈیو میں دیکھا جاسکتا ہے کہ اس شخص نے اپنی گرل فرینڈ کے ساتھ اسکائی ڈائیونگ کے ہر لمحے کا لطف اٹھایا اور اسے پروپوز کرتے ہوئے کہا کہ "میں تم سے پیار کرتا ہوں”۔ کچھ ہی لمحوں کے بعد، اس نے ایک انگوٹھی نکالی اور پھر کہا کہ "میں تمہیں ہر دن زیادہ سے زیادہ پیار کروں گا۔ کیا تم مجھ سے شادی کرو گی؟ ”
بعدازاں لڑکی ان الفاظ کو سنتے ہی حیرت میں آگئی اور اپنے بوائے فرینڈ کی بات سے اتفاق کرتے ہوئے اس نے جواب میں ہاں کہہ دیا جس پر وہ شخص خوشی سے چیخنے لگا۔
ویڈیو دیکھنے کے بعد انٹرنیٹ پر صارفین کی خوشی کا ٹھکانہ نہ رہا اور تبصرے کے سیکشن میں اپنے دل کے جذباتی احساسات سے کمنٹ باکس کو بھردیا، کئی دیگر افراد نے جوڑے کو مبارکباد کے پیغامات بھی بھیجے۔
