(این پی جی میڈیا) جموں و کشمیر نیشنل کانفرنس کے صدر فاروق عبداللہ کا بھارتی گانے پر رقص وائرل ہوگیا ہے۔
غیر ملکی خبر رساں ایجنسی کے مطابق فاروق عبداللہ کی ایک بالی وڈ گانے پر ڈانس کی ویڈیو سوشل میڈیا پر وائرل ہو رہی ہے۔ اور کہا جارہا ہے کہ فاروق عبداللہ نے کیپٹن امریندر سنگھ کی پوتی کی شادی کی تقریب میں ڈانس کیا ہے۔
From BJP govt’s detention, Farooq Abdullah comes out dancing. In his father Sheikh Abdullah’s detention, Hindu leader Shyama Prasad Mukharjee was poisoned. That is the difference between the cultures represented by Saraswati Shishu Mandir and Madarssa.pic.twitter.com/n7dXYdltN2
— Divya Kumar Soti (@DivyaSoti) March 5, 2021
میڈیا رپورٹس کے مطابق بھارتی پنجاب کے وزیراعلیٰ کیپٹن امریندر سنگھ کی پوتی راجکماری سحر اِندر کی شادی کی تقریب میں جموں و کشمیر نیشنل کانفرنس کے صدر فاروق عبداللہ نے بھی شرکت کی۔
تفصیلات میں یہ بات سامنے آئی ہے کہ تقریب میں کیپٹن امریندر سنگھ نے ایک جذباتی ہندی نغمہ بھی گایا۔
اس کے بعد فاروق عبداللہ نے وزیراعلیٰ کیپٹن امریندر سنگھ کے ساتھ رقص بھی کیا جس کی ویڈیو سوشل میڈیا پر خوب وائرل ہو رہی ہے۔
ویڈیو میں دیکھا جاسکتا ہے کہ فاروق عبداللہ کے ساتھ پنجاب کے ایڈووکیٹ جنرل اتل نندا اور وزیر کھیل رانا گرمیت سنگھ سوڈھی بھی رقص کر رہے ہیں۔
ان کے علاوہ وی وی آئی پی مہمانان شاہی کنبے کی شادی میں پرانے ہندی نغموں پر جھومتے ہوئے دیکھے گئے ہیں۔
ویڈیو میں فاروق عبد اللہ سنہ 1968 میں بالی ووڈ فلم برہماچاری کے گانے ‘آج کل تیرے میرے پیار کے چرچے’ اور دیگر نغموں پر ڈانس کرتے ہوئے دیکھا جاسکتا ہے۔