ولنگٹن: نیوزی لینڈ کے شمال مشرقی علاقے میں شدید زلزلے کے بعد سونامی کی وارننگ بھی جاری کردی گئی ہے۔
غیر ملکی خبررساں ادارے کے مطابق نیوزی لینڈ کے شمال مشرقی علاقے میں 8.1 شدت کے خطرناک زلزلے کے بعد نیوزی لینڈ کی نیشنل ایمرجنسی مینیجمنٹ ایجنسی کی جانب سے سونامی کی وارننگ بھی جاری کردی گئی ہے۔ وارننگ کے بعد مقامی لوگوں نے علاقے سے انخلا شروع کردیا ہے۔
میڈیا رپورٹس کے مطابق علاقے کے رہائشیوں کو بالائی علاقوں میں منتقل کردیا گیا ہے۔ حکام کا کہنا ہے کہ سونامی آنے کی صورت میں سمندری پانی کی لہریں دس فٹ تک اونچی جا سکتی ہیں۔
نیوزی لیںڈ کی وزیراعظم جسندا آرڈرن کا کہنا ہے کہ بہت افسوفس سے کہنا پڑ رہا ہے کہ ملک بڑٰی قدرتی آفت سے گزر رہا ہے۔ انکا کہنا تھا کہ ہمیں ایک ہی وقت میں زلزلے، سونامی اور کورونا سے نمٹنا پڑرہا ہے۔
خیال رہے کہ دس سال قبل نیوزی لیںڈ میں چھ اعشاریہ تین شدت کا زلزلہ آیا تھا جس کے باعث نیوزی لینڈ کے شہر کرسٹ چرچ میں 185 افراد ہلاک ہوگئے تھے۔