ٹوکیو: (این پی جی میڈیا) چاند کے بارے میں بہت رومانوی باتیں ہوگئیں، آئیں اب اصل میں چاند پر قدم رکھ کر چاند کی سیر کی جائے۔
تفصیلات کے مطابق جاپان کے ایک ارب پتی نے چاند کے گرد اپنی پرواز پر اپنے ساتھ مزید آٹھ افراد لے جانے کا اعلان کردیا ہے۔
یہ دلچسپ اطلاعات جاپانی فیشن ڈیزائنر یوساکو مائی زاوا کی جانب سے موصول ہوئی ہیں جو کہ سن 2023 میں اسپیس ایکس فلائیٹ پر چاند کے گرد چکر لگانے کا ارادہ رکھتے ہیں۔
Watch this video to learn more about the selection process. It also contains a special message from @elonmusk #dearMoon
↓Check the full versionhttps://t.co/i3ucR6BB44 pic.twitter.com/B3d8g0JvvP
— Yusaku Maezawa (MZ) (@yousuckMZ) March 2, 2021
رپورٹس کے مطابق جاپانی ارب پتی کی 8 افراد کو سپیس ایکس کی پرواز پر چاند کا مفت سفر کروانے کی پیش کش نے پوری دنیا میں کھلبلی مچا کرر رکھ دی ہے۔
سماجی رابطے کی ویب سائٹ ٹوئٹر پر پوسٹ کیے جانے والے ایک ویڈیو پیغام میں یوساکو میزاوا نے کہا ہے کہ میں چاہتا ہوں کہ ہر طرح کے لوگ اس میں حصہ لیں۔
اس پیغام میں انھوں نے ایپلیکیشن فارم کی تفصیلات بھی واضح کی ہیں۔
انھوں نے کہا کہ اس سفر کا سارا خرچہ وہ خود اٹھائیں گے، یعنی جو بھی ان کے ساتھ چاند پر جائے گا، یہ سفر اور تجربہ ان کے لیے بالکل مفت ہو گا۔
جاپانی فیشن ڈیزائنر یوساکو مائی زاوا نے مزید کہا کہ ’ڈئیر مون‘ نامی یہ مشن 2023 میں پرواز بھرنے والا ہے۔
اسکے علاوہ اپلائی کرنے کے لیے بس دو شرائط ہیں:
1ـ آپ جس بھی شعبے میں ہوں اس میں ایسا کام کریں جس سے دوسرے لوگوں اور معاشرے کی مدد ہو۔
2 ـ عملے کے دوسرے ارکان کی مدد کرنے کے لیے تیار ہوں۔
یوساکو مائی زاوا نے کہا کہ میں اس خلائی جہاز پر تمام سیٹیں خرید چکا ہوں، تو یعنی یہ ایک نجی اڑان ہو گی۔