تہران: یورپی ممالک فرانس، جرمنی اور برطانیہ نے ایران کو تنبیہ جاری کی ہے کہ وہ ایٹمی ڈیل کی خلاف ورزی نہ کرے، ورنہ اسے عالمی پابندیوں کا سامنا کرنے پڑے گا۔
غیر ملکی خبر رساں ایجنسی کے مطابق برطانیہ، فرانس اور جرمنی کے وزرا خارجہ نے ایک مشترکہ بیان میں ایران کو خبردار کیا ہے کہ وہ آئی اے ای اے کے اہلکاروں کیساتھ تعاون کرے۔
انکا کا کہنا تھا کہ ایران ایسے اقدامات نہ کرے جس سے جوہری معاہدے کی شفافیت میں کمی کا امکان پیدا ہو سکتا ہے۔
خیال رہے کہا ایرانی حکام کی جانب سے عالمی جوہری معائنہ کاروں کو اپنے جوہری مراکز تک رسائی دینے سے انکار کرنے پر یورپی ممالک کے وزرائے خارجہ کی جانب سے یہ بیان جاری کیا گیا۔
اس سے پہلے صدر جوبائیڈن نے ایرانی سپریم لیڈر آیت اللہ خامنہ ای کے بیان کے جواب میں کہا تھا کہ اگر ایران جوہری معاہدے کی مکمل پاسداری کرتا ہے تو ایران کیساتھ مذاکرات کیے جا سکتے ہیں۔