تہران: ایران کے سرکاری اخبار کا کہنا ہے کہ جوہری معائنہ کاروں کو روکنا ایران کو عالمی سطح پر مزید تنہائیوں میں دھکیل دے گا۔
غیر ملکی خبررساں ایجنسی کے مطابق انٹرنیشنل اٹامک انرجی اتھارٹی میں ایرانی مندوب کاظمم غریب آبادی کا کہنا ہے کہ ایران کیجانب سے نام نہاد ایڈیشنل پروٹوکول پر عملدرآمد ختم کردیا گیا ہے۔
ایڈیشنل پروٹوکول کے تحت بین الاقوامی جوہری توانائی ایجنسی ایران کی جوہری تنصیبات کے معائنے کی مجاز تھی۔
ایرانی اخبار نے صدر روحانی کو تنقید کا نشانہ بنانے والے قانون سازوں پر تنقید کرتے ہوئے کہا ہے کہ ایران کا سخت اور انتہاپسدی پر مبنی رویہ ملک کو عالمی سطح پر مزید تنہا کرسکتا ہے۔
اخبار میں مزید لکھا تھا کہ اگر ایران جوہری معاہدے پر سخت قدم اٹھاتا ہے تو کیا ثبوت ہے کہ ایران کو ایک بار پھر عالمی سطح پر تنہا نہیں کیا جائے گا۔
اس سے قبل ایرانی سپریم لیڈرآیت اللہ خامنہ نے کہا تھا کہ ضرروت پڑنے پر ایران 60 فیصد تک یورینیم کی افزودگی بھی کرسکتا ہے۔