واشنگٹن: امریکی سپریم کورٹ کی جانب سے سابق امریکی صدر ڈونلڈ ٹرمپ کی ٹیکس ادائیگیوں کی تفصیلات جاری کرنے کا اعلان کیا گیا ہے۔
غیر ملکی خبررساں ایجنسی کے مطابق ڈونلڈ ٹرمپ کے وکلا کی نے امریکی سپریم کورٹ سے استدعا کی کہ ان کی ٹیکس ادائیگیوں کو خفیہ رکھا جائے لیکن عدالت نے ٹرمپ کے وکلا کی درخواست کو مسترد کرتے ہوئے حک جاری کیا ہے کہ ٹرمپ کی ٹیکس ادائیگی کی تفصیلات سامنے لائی جائیں۔
میڈیا رپورٹس کے مطابق امریکی عدالت کی جانب سے جاری حکم کے بعد استغاثہ کے وکلا کو ٹرمپ کے ٹیکس فراڈ سے متعلقہ اہم ترین دستاویزات بھی حاصل ہو گئی ہیں جس کے بعد امریکی صدر بڑی مشکل میں نظرآتے ہیں۔
واضح رہے کہ اس سے پہلے ٹرمپ اپنے خلاف مالی فراڈ کے مقدے کواپنے خلاف سازش کہہ چکے ہیں۔