لاہور(این پی جی میڈیا)پاکستان کرکٹ ٹیم کے آل رائونڈر محمد حفیظ نے کہا ہے کہ مزہ کراؤڈ کے ساتھ آتا ہے اور اس سے گراؤنڈ میں انرجی میں مزید اضافہ ہو گا۔
تفصیلات کے مطابق 20فروری سے شروع ہونے والے پاکستان سپر لیگ کے ایڈیشن 6 کے حوالے اپنے خیالات کا اظہار کرتے ہوئے قومی ٹیم کے آل رائونڈر محمد حفیظ کا کہنا تھا کہ کرکٹ کیلئے یہ بہت ضروری ہے،بائیو سکیور ببل نہ ہو تو کرکٹ ہی نہ ہو،پاکستان میں یہ پہلا ایونٹ ہو گا کہ کوویڈ کے دوران کراؤڈ بھی آئے گا۔
انہوں نے مزید کہا کہ مزہ کراؤڈ کے ساتھ آتا ہے،گراؤنڈ میں انرجی میں مزید اضافہ ہو گا، پی ایس ایل کےلئے خوش آئند ہے کہ 20 فیصد کراؤڈ کو اجازت ملی۔
قبل ازیں محمد حفیظ نے گزشتہ روز اپنے بیٹے کی سالگرہ منائی اور اس کی تصاویر اپنے سماجی رابطے کی ویب سائٹ ٹوئٹر پر بھی شیئر کیں۔
Birthday celebration of my Janu @Roshaan_Hafeez8 Love u ? pic.twitter.com/iTeMOCYxEj
— Mohammad Hafeez (@MHafeez22) February 14, 2021