غیر ملکی میڈیا رپورٹس کے مطابق اسرائیل نے شام کے دارالحکومت دمشق پر میزائل حملہ کیا ہے جسے شامی ایئرڈیفنس نے ناکام بنا دیا ہے۔
تفصیلات کے مطابق یہ اطلااعات سامنے آئی ہیں کہ اسرائیل نے میزائل حملوں میں صرف املاک کو نقصان پہنچایا ہے۔
رپورٹس کے مطابق اسرائیل کی جانب سے اہم فوجی تنصیبات کو نشانہ بنانے کی کوشش کی گئی تھی۔
میڈیا رپورٹس کے مطابق شامی ایئرڈیفنس نے میزائل حملے ناکام بنانے کے بعد مزید اسرائیلی حملوں کے پیش نظر فضائی دفاعی نظام متحرک کردیا ہے۔
خیال رہے کہ اس سے قبل بھی گزشتہ ماہ اسرائیل کے شام پر حملے میں 57 افراد ہلاک ہوگئے تھے جس میں حکومتی افواج سمیت دیگر افراد بھی شامل ہیں۔
گذشتہ کئی سالوں سے اسرائیل شام کے مختلف علاقوں میں میزائل حملے کرتے آیا ہے، اسکے علاوہ اسرائیل لبنان کے فضائی حدود کی خلاف ورزی کرتے ہوئے لبنانی علاقے سے شام پر متعدد بار فضائی حملے کرچکا ہے جبکہ اسرائیل نے شام پر درجنوں فضائی حملوں کا اعتراف بھی کیا ہے۔