راولپنڈی: دوسرا ٹیسٹ، پاکستان کا جنوبی افریقہ کو جیت کیلئے 370 رنز کا ہدف ، پاکستانی ٹیم دوسری اننگز میں 298 رنز بنا کر آؤٹ ہوگئی۔
تفصیلات کے مطابق راولپنڈی ٹیسٹ میں محمد رضوان کی ذمہ دارانہ بلے بازی ، انہوں نے کیرئیر کی پہلی سنچری اسکور کی۔ وہ 115 رنز پر ناٹ آؤٹ رہے۔ نعمان علی 45 ، اظہر علی 33 اور فہیم اشرف نے 29 رنز بنائے۔
جنوبی افریقہ کی طرف سے لینڈے نے 5 ، مہاراج 3 اور ربادا نے 2 کھلاڑیوں کو آؤٹ کیا۔
خیال رہے کہ راولپنڈی ٹیسٹ کے چوتھے روز پاکستان نے کھانے کے وقفے تک دوسری اننگز میں 8 وکٹ کے نقصان پر 217 رنز بنا لیے تھے۔
چوتھے روز کے کھیل کا آغاز پاکستان کے لیے مایوس کن رہا اور جلد ہی اس کی ساتویں وکٹ 159 رن پر گر گئی، جب حسن علی 5 رن بنا کر آؤٹ ہوئے، کیشو مہاراج نے انہیں ایل بی ڈبلیو کیا۔
پاکستان کی آٹھویں وکٹ یاسر شاہ کی گری ، وہ 23 رن بنا کر آؤٹ ہوئے۔