دی ہیگ: عالمی فوجداری عدالت یا انٹرنیشنل کریمینل کورٹ نےفیصلہ سنایا ہے کہ فلسطین کو مقبوضہ فلسطینی علاقوں پر بھی اختیار حاصل ہے۔
غیر ملکی خبررساں کے مطابق آئی سی سی پراسیکیوٹر نے عالمی عدالت سے اسرائیل کے زیر قبضہ علاقوں پر فلسطینی دائرہ اختیار سے متعلق قانونی رائے طلب کی تھی۔ جسکے جواب میں عالمی عدالت کا کہناہے کہ اسرائیل کے زیر قبضہ علاقوں یعنی غزہ، مغربی کنارے اور مشرقی بیت پر فلسطین کو دائرہ اختیار حاصل ہے۔
عالمی عدالت کے اس فیصلے کے بعد ٹریبونل کے لیے اسرائیل کے خلاف جنگی جرائم کی تحقیقات کرنے کا راستہ ہموار ہو گیا ہے۔
اسرائیلی وزیر اعظم بنیامن نیتن یاہو نے آئی سی سی کے اس فیصلے کے بعد اسے ایک ’سیاسی ادارہ‘ قرار دیتے ہوئے اس کی مذمت کی ہے جب کہ امریکہ نے کہا ہے کہ اس فیصلے پر اسے ’شدید تحفظات‘ ہیں۔
دوسری جانب فلسطینیوں نے عالمی عدالت کے اس فیصلے کو ’انصاف کی فتح‘ قرار دیا ہے