واشنگٹن: سابق امریکی صدر ڈونلڈ ٹرمپ نے ٹرائل کی کارروائی میں پیش ہونے سے انکار کردیا ہے۔
غیر ملکی خبررساں ایجنسی کے مطابق ٹرمپ کے مواخذے کی تحریک کے پراسیکیوٹر جیمی راسکن نے ٹرائل کے لیے سابق صدر کو پیش ہونے کا مطالبہ کیا۔
اس دورام جیمی راسکن کا کہنا تھا کہ اگر آپ ایسا نہیں کرتے تو ہم سمجھیں گے کہ 6 جنوری کو کانگریس کی عمارت پر حملے آپ کی رضامندی سے ہوئے۔
دوسری جانب ڈونلڈ ٹرمپ کے ایڈوائزر جیسن ملرکا کہنا تھا کہ سابق صدر ایک غیر آئینی کارروائی میں شہادت کے لیے پیش نہیں ہوں گے۔
اس کے علاوہ ٹرمپ کے اٹارنی بروس کیسٹر اور ڈیوڈ شیئن نے کہا کہ مواخذے کی حساس کارروائی کو سیاسی کھیل نہ بنایا جائے۔
خیال رہے کہ ٹرمپ کے خلاف بغاوت پر اکسانے کے الزامات کے تحت سینیٹ میں مواخذے کی کارروائی آئندہ ہفتے شروع ہو گی۔