نئی دہلی: عالمی شخصیات کیجانب سے بھارتی کسانوں کی ’آندولن تحریک‘ کی حمایت پر بھارتی حکومت تلملا اٹھی۔
تفصیلات کے مطابق گزشتہ برس کے آخر سے حکومت کی جانب سے بنائے گئے ’کسان دشمن‘ زرعی قوانین کے خلاف احتجاج کرنے والے بھارتی کسانوں کی ’آندولن تحریک‘ جہاں دن بہ دن مضبوط ہوتی جا رہی ہے، وہیں اب اسے عالمی شخصیات کی حمایت بھی حاصل ہوگئ ہے۔
مذکورہ احتجاج کے بعد بھارتی حکومت نے کسانوں کے خلاف سخت ایکشن لیتے ہوئے درجنوں کسانوں کو گرفتار بھی کیا جب کہ کسانوں کے احتجاج کی کوریج کرنے والے صحافیوں کے خلاف بھی ایکشن لیا۔
علاوہ ازیں حکومت نے سماجی رہنماؤں کے خلاف بھی کارروائی کی، جس پر بھارتی حکومت کو عالمی تنقید کا نشانہ بھی بنایا گیا۔