لاہور( این پی جی میڈیا)پاکستان کیخلاف ٹی ٹونٹی سیریز کے لیے جنوبی افریقہ کی ٹیم کے کھلاڑیوںاور کوچنگ سٹاف پر مشتمل دستہ لاہور پہنچ گیا ۔
مہمان ٹیم کمرشل فلائٹ کے ذریعے سائوتھ افریقہ سے لاہور کے علامہ اقبال انٹرنیشنل ائیر پورٹ پر پہنچی جہاں کرکٹ بورڈ کے اعلیٰ حکام نے ان کا استقبال کیا ۔ کھلاڑیوں کو انتہائی سخت سکیورٹی میں مقامی ہوٹل پہنچایا گیا جہاں سب سے پہلے کوویڈ ٹیسٹنگ کا مرحلہ مکمل کیا گیا ۔
Arrival of @OfficialCSA T20I squad in Lahore!
Warm welcome to the visitors to the city of gardens.#PAKvSA #HarHaalMainCricket pic.twitter.com/X9J0hghv45
— Pakistan Cricket (@TheRealPCB) February 3, 2021
جنوبی افریقہ کی جانب سے ٹی ٹونٹی سیریز کے لئے اعلان کردہ سکواڈ کے 6 ارکان پہلے سے پاکستان میں ٹیسٹ سیریز کے لیے موجود ہیں۔شیڈول کے مطابق دونوں ٹیمیں کل پانچ فروری سے قذافی اسٹیڈیم میں ٹریننگ شروع کریں گی ۔
دونوں ٹیموں کے درمیان پہلا ٹی ٹونٹی گیارہ فروری ، دوسرا تیرہ اور تیسراچودہ فروری کو شیڈول ہے۔