واشنگٹن(این پی جی میڈیا) ایرانی وزیر خارجہ جواد زریف کے بیان پر ردعمل دیتے ہوئے امریکی محکمہ خارجہ کا کہنا ہے کہ ایٹمی معاہدے سے متعلق ایران کی تجویز قبول کرنا قبل ازوقت ہو سکتا ہے۔
غیرملکی میڈیا کے مطابق امریکی محکمہ خارجہ کے ترجمان نیڈ پرائس کا کہنا ہے کہ اگر ایران ایٹمی ڈیل کی تعمیل کرتا ہے تو امریکا بھی اس معاہدے میں واپس آسکتا ہے۔
انکا کہنا تھا کہ ایران کیساتھ جوہری معاہدے پرمذاکرات سے قبل امریکی کانگریس سمیت دیگر اتحادیوں کیساتھ مشاورت عمل میں لائی جائے گی۔
واضح رہے کہ ایرانی وزیر خارجہ نے امریکا سے کہا تھا کہ اگر امریکا معاہدے میں واپس آتا ہے تو ایران بھی فورا معاہدے کی پاسداری کی طرف بڑھے گا۔