نئی دہلی (این پی جی میڈیا)بھارتی کرکٹ ٹیم کے کپتان اور بالی ووڈ اداکارہ انوشکا شرما نے پیدائش کے بعد اپنی بیٹی کی پہلی تصویر سوشل میڈیا پر شیئرکردی ہے۔
تفصیلات کے مطابق انوشکا شرما جو کہ گزشتہ دنوں ماں بنی تھی اور انہوں نے ایک ننھی پری کو جنم دیا تھا نے اپنی بیٹی کی تصویر مداحوں کے ساتھ شیئر کردی ہے۔
سماجی رابطے کی ویب سائٹ انسٹاگرام پر جو تصویر شیئر کی گئی ہے اس میں دیکھا جاسکتا ہے کہ انوشکا نے اپنی بیٹی کو اٹھا رکھا ہے جبکہ والد ویرات کوہلی پیار بھری نگاہوں سے بیٹی کو دیکھ رہے ہیں۔
اداکارہ نے اس خوبصورت تصویر کے کیپشن میں مداحوں کو اپنی بیٹی کا نام بھی بتایا اور تحریر کیا کہ ’ہم اپنی زندگی محبت اور شُکرگزاری کے ساتھ بسر کر رہے تھے لیکن ہماری ’وامیکا‘ نے اس دُنیا میں آکر ہماری زندگی کو ایک نیا مقصد دیا ہے‘۔
View this post on Instagram
انہوں نے ماں بننے کے احساس کو بیان کرتے ہوئے لکھا کہ ’محبت، پیار، جذبات، آنسو، پریشانی، نیند کی کمی وغیرہ سب کا تجربہ ہو رہا ہے لیکن یہ سب واقعی میں بہت اچھا ہے۔
آخر میں انوشکا شرما نے اُن تمام لوگوں کا شکریہ ادا کیا جنہوں نے اس خوبصورت فیملی کے لیے دُعائیہ اور محبت بھرے پیغامات بھیجے تھے۔