موغادیشو( این پی جی میڈیا) شدت پسند تنظیم الشہاب نے صومالی دارالحکومت موغادیشو میں واقع ایک فائیو سٹار ہوٹل پرحملہ کیا ہے جس میں 9 افراد ہلاک ہوگئے ہیں۔
غیر ملکی خبر رساں ایجنسی کے مطابق صومالی سکیورٹی فورسز نے موغادیشو میں ایک ہوٹل پر حملہ کرنے والے الشہاب کے انتہاپسندوں پر قابو پالیا ہے۔
پولیس ترجمان کا کہنا ہے کہ حملہ آوروں کیخلاف کارروائی مکمل ہوچکی ہے۔ اس دوران چار حملہ آوروں سمیت نو افراد ہلاک ہوئے ہیں جبکہ دس سے زیادہ شہری زخمی ہوئے ہیں۔ اس کے علاوہ علاقے کی بجلی بھی منقطع ہے۔
صومالی وزیر اعظم محمد حسین روبلے کا کہنا ہے کہ ہلاک ہونے والوں میں ایک سابق فوجی جنرل محمد نور گلال بھی شامل ہیں۔