ممبئی(این پی جی میڈیا)معروف بھارتی کامیڈین اور اداکار کپل شرما دوسری مرتبہ باپ بن گئے جبکہ ان کے ہاں بیٹے کی پیدائش ہوئی ہے۔
بھارتی میڈیا رپورٹس کے مطابق ٹی وی دنیا کے کامیڈی کنگ کہے جانے والے کامیڈین اور اداکار کپل شرما کے گھر پھر سے خوشیوں نے دستک دی ہے اور ان کی اہلیہ گنی چترتھ نے بیٹے کو جنم دیا ہے ۔ کپل نے خود اس بات کی خبر سوشل میڈیا کے ذریعہ دی ہے ۔
سماجی رابطے کی ویب سائٹ ٹوئٹر پر پیغام جاری کرتے ہوئے کپل شرما نے کہا کہ نمسکار ، آج صبح ہمارے ہاں بیٹے کی پیدائش ہوئی ہے جبکہ خدا کی مہربانی سے بچہ اور ماں دونوں صحتمند ہیں ۔ آپ سب کے پیار ، آشیرواد اور دعائوں کیلئے شکریہ ۔
Namaskaar ? we are blessed with a Baby boy this early morning, by the grace of God Baby n Mother both r fine, thank you so much for all the love, blessings n prayers ? love you all ❤️ginni n kapil ? #gratitude ?
— Kapil Sharma (@KapilSharmaK9) February 1, 2021
کپل شرما کے ٹویٹ پر کمنٹ کرتے ہوئے ان کے مداح انہیں دوسرے بچے پر مبارکباد دے رہیں ۔
خیال رہے کہ یہ کپل شرما کی دوسری اولاد ہے ۔ اس سے پہلے ان کی اہلیہ گنی چترتھ نے 2019 میں ایک بیٹی کو جنم دیا تھا ۔ ان کی بیٹی کا نام انائرہ ہے ۔ کپل شرما اکثر اپنی بیٹی کے ساتھ اپنی تصویریں شیئر کرتے رہتے ہیں۔
View this post on Instagram