دبئی: متحدہ عرب امارات نے شہریت کے قانون میں تبدیلی کرتے ہوئے غیر ملکیوں کو شہریت دینے کا فیصلہ کیا ہے۔
امارات کے نائب صدر اور دبئی کے حکمران شیخ محمد بن راشد آل مکتوم نے کابینہ اجلاس میں شہریت اور اقامہ کے ضوابط میں تبدیلیوں کی منظوری دی۔
شیخ راشد نے اپنے ایک ٹویٹ میں کہا کہ اب سرمایہ کاروں ، غیر معمولی صلاحیتوں کے حامل افراد اور اپنے شعبے میں خصوصی مہارتوں کے حامل افراد اور ان کے اہل خانہ کو شہریت دی جائے گی۔