کابل( این پی جی میڈٰیا) افغان طالبان کی جانب سے نومنتخب جوبائیڈن انتظامیہ پر امن معاہدے کی مسلسل خلاف وزری کا الزام عائد کیا گیا ہے۔
غیر ملکی خبررساں ایجنسی کے مطابق قطر میں موجود طالبان کے ایک ترجمان محمد نعیم نے اس بارے بیان جاری کرتے ہوئے کہا ہے کہ امریکا نے معاہدے کی خلاف ورزی کی ہے اور تقریباً ہر روز وہ اس کی خلاف ورزی کر رہے ہیں۔
انکا کہنا تھا کہ وہ عام شہریوں، گھروں اور دیہاتوں پر بمباری کر رہے ہیں جو نہ صرف معاہدے کی خلاف ورزی ہے بلکہ انسانی حقوق کی پامالی بھی ہے۔
طالبان کے ترجمان ذبیح اللہ مجاہد نے ٹوئٹر پر مزید کہا کہ امریکا کے الزامات بے بنیاد ہیں اور طالبان معاہدے کی مکمل طور پر پاسداری کررہے ہیں۔
افغان طالبان کی جانب سے یہ بیان تب سامنےآیا ہے جب پیٹناگون نے کہا کہ طالبان معاہدے کی شرائط پر عمل درآمد میں ناکام رہے ہیں۔