نیویارک: سیکریٹری جنرل اقوام متحدہ انتونیو گوتریس کا کہنا ہے کہ پاک بھارت تصادم پوری دنیا کیلئے بڑی تباہی ہوگا۔
تفصیلات کے مطابق انتونیو گوتریس نے پاکستان اور بھارت کے درمیان ثالثی کی پیشکش کرتے ہوئے کہا کہ عسکری قوت کا استعمال مسئلہ کشمیرکا حل نہیں ہے۔
انھوں نے دونوں ممالک پر زور دیتے ہوئے کہا کہ دونوں ممالک اپنے مسائل سنجیدگی سے حل کریں۔
واضح رہے کہ پاکستان اور بھارت کے درمیان مسئلہ کشمیر دیگر تنازعات کی سب سے بڑی وجہ ہے۔ پاکستان چاہتا ہے کہ یہ مسئلہ اقوام متحدہ کی قراردادوں اور کشمیر کی عوام کی خواہشات کے مطابق حل ہو جبکہ بھارت اس کے برعکس سوچتا ہے۔