واشنگٹن : سابق امریکی صدر ڈونلڈ ٹرمپ نےفلوریڈا میں دفتر کھول لیا، جہاں سے وہ سابق صدر کی حیثیت سے اپنےفرائض سر انجام دیں گے اور عوامی مسائل کو دیکھیں گے ۔
میڈیا رپورٹس کے مطابق سابق صدر ڈونلڈ جے ٹرمپ خط و کتابت ، بیانات ، تقریبا میں شرکت کے علاوہ امریکی مفادات اور اپنی انتظامیہ کے ایجنڈے کو آگے بڑھانے کیلئےمختلف دفتری سرگرمیاں سر انجام دیں گے ۔ دوسری جانب وال اسٹریٹ جرنل میں انکشاف سامنے آیا ہے کہ وائٹ ہائوس سے رخصتی سے قبل ٹرمپ نے اپنے معاونین کیساتھ نئی سیاسی جماعت پیٹریاٹ پارٹی بنانے پر مشاورت کی تھی ۔
واضح رہے کہ امریکی صدر جو بائیڈن نے امریکا کے 46 ویں صدر کی حیثیت سے منصب سنبھالتے ہی کئی صدارتی حکم ناموں پر دستخط کردیئے۔جس میں ٹرمپ انتظامیہ کی متازع پالیسیوں کو ختم کرتے ہوئے نئے احکامات جاری کیے ۔