کراچی: پاکستان میں سونے کے تاجروں سمیت اس کے خریدار بھی خاصے پریشان نظر آرہے ہیں کیونکہ کبھی تو اس کی قیمت میں اچانک اضافہ اور کبھی حیران کن کمی دیکھنے میں ملتی ہے۔
میڈیا رپورٹ کے مطابق پاکستان میں سونے کی قدر میں مسلسل اضافے کے بعد آج کمی ہوئی ہے۔ سندھ صرافہ بازار جیولرز ایسوسی ایشن کے مطابق سونے کی فی تولہ قیمت میں 250 روپے کی کمی واقع ہوئی ہے۔
یاد رہے کہ سونے کی قدر میں کمی کے بعد فی تولہ قیمت ایک لاکھ 13 ہزار 200 روپے ہو گئی ہے۔ اس کے علاوہ 10 گرام سونے کی قدر میں 215 روپے کمی ہوئی ہے اور 10 گرام سونا 97 ہزار 50 روپے کا ہو گیا ہے۔
اس کے علاوہ صرافہ بازار میں فی اونس سونے کی قیمت 9 ڈالر کمی کے بعد 1854 ڈالر ہو گئی ہے۔