بیجنگ: چینی صدر شی جن پنگ نے نئے امریکی صدر جوبائیڈن کو وارننگ جاری کرتے ہوئے کہا ہے کہ امریکا کسی نئی سرد جنگ کے آغاز سے باز رہے۔
تفصیلات کے مطابق چینی صدر جن پنگ نے عالمی اقتصادی فورم سے خطاب کرتے ہوئے کہا کہ چین اور اس کے اقتصادی ماڈل کے خلاف محاز آرائی کی کوشش نئی سرد جنگ کو جنم دے سکتی ہے۔
چین کے صدر نے امریکا کا نام لیے بغیر کہا کہ ایسا اقدام مسلح تنازع کی راہ ہموار کرے گا۔
واضح رہے کہ صدر جوبائیڈن نے کہا تھا کہ وہ جلدعالمی اجلاس بلائیں گے۔