واشنگٹن (این پی جی میڈیا )ا مریکی صدر جوبائیڈن نے کار پارکنگ میں سونے پر نیشنل گارڈز سے معذرت کرلی۔
برطانوی میڈیا کے مطابق سابق صدر ٹرمپ کے آخری ایام میں کیپیٹل ہل حملے کے بعد امریکی صدر جوبائیڈن کی تقریب حلف برداری کے لیے 25 ہزار نیشنل گارڈز کو سکیورٹی کے لیے تعینات کیا گیا تھا۔
امریکی صدر کی تقریب حلف برداری کے لیے سکیورٹی پر تعینات نیشنل گارڈز کی کیپٹل ہل کی کار پارکنگ میں سوتے ہوئے تصاویر سامنے آئی تھیں جس پر بعض امریکی سیاستدانوں اور کچھ ریاستوں کے گورنرز نے شدید برہمی کا اظہار کرتے ہوئے اہلکاروں کو واپس بلانے کا مطالبہ کیا تھا۔
میڈیا رپورٹس کے مطابق اس معاملے پر امریکی صدر جوبائیڈن نے نیشنل گارڈ بیورو کے سربراہ سے ملاقات کی اور ان سے واقعے پر معذرت کی جب کہ امریکی صدر کی اہلیہ خاتون اول جِل بائیڈن نے بھی کچھ نیشنل گارڈز سے ملاقات کی اور ان کا ذاتی طور پر شکریہ ادا کیا۔
Our troops deserve the utmost honor & respect for securing the Capitol & defending democracy this week.
This is unconscionable & unsafe. Whoever’s decision this was to house our National Guardsmen & women in underground parking lots must be held accountable. pic.twitter.com/mBwpoog6YC
— Tim Scott (@SenatorTimScott) January 22, 2021
جوبائیڈن کی اہلیہ نے نیشنل گارڈز کو وائٹ ہاؤس کی طرف سے بطور تحفہ بسکٹ بھی پیش کیے۔
امریکی صدر کی اہلیہ کا کہنا تھا کہ یہاں آکر مجھے اور میرے اہلخانہ کو تحفظ فراہم کرنے پر آپ سب کا شکریہ ادا کرنا چاہتی تھی۔
امریکی سینیٹر ٹِم سکاٹ نے بھی اپنی ٹوئٹ میں نیشنل گارڈز کی کار پارکنگ ایریا میں لیٹے ہوئے تصاویر پوسٹ کیں اور شدید غصے کا اظہار کرتے ہوئے ذمہ داروں کو سزا دینے کا مطالبہ کیا۔