واشنگٹن(این پی جی میڈیا) جو بائیڈن انتظامیہ کا کہنا ہے کہ سابق صدر ڈونلڈ ٹرمپ کے دور میں افغان طالبان کے ساتھ کی جانے والی امن ڈیل پر نظر ثانی کی جائے گی۔
غیر ملکی خبر رساں ایجنسی کے مطابق نئے منتخب امریکی صدر جو بائیڈن کی انتظامیہ نے کہا ہے کہ انھیں جاننا ہے کہ افغان طالبان نے دوحہ امن ڈیل کی شرائط پر کس حد تک عمل کیا ہے۔
وائٹ ہاؤس کے قومی سکیورٹی کے مشیر جیک سولیوان نے اپنے افغان ہم منصب سے ٹیلی فونک گفتگو میں ڈیل میں طے پانےوالے نکات پر بھی بات کی گئی۔
ایک بیان میں کہا گیا ہے کہ فروری سن دو ہزار بیس میں امریکا اور طالبان کے مابین دوحہ امن ڈیل پر نظر ثانی کی جائے گی۔